حكاية عربية

بقلم / فتحى عبدالحميد

كان يامكان
كان فى زمان
اسد
بيحكم كون فسيح
ملهوش عنان
ومر الزمان
مرض الأسد
وسار طريح
اولاده جنبه
بيندبوا
وقرروا
يبنوا ضريح
مات الاسد
من حسرته على خلفته
ان ما فيهم واااااااااد فصيح
وبره العرين
خنزير صغير ( اسرائيل )
وكلبه ( امريكا )
وشوية ديابه
متجمعين
مين يحكم الغابة ؟
وبسرعة قاموا وقرروا
ان الكلاب تحكم من الليلة
قبل الاسود ما تجمع العيلة
ويعود زمان
زى ما كان
الكلبة
كانت مـ السعادة متغندره
وبسرعة قامت هزه ديلها ومقرره:
كل الاسود طلباتها دى اوامر
الاكل يحضر لهم جاهز
فى معاده واوانه
بشرط يبقى الكل عاجز
فى عرينه ومكانه
اسد غدنفر
او يكون ما يكون
داخل عرينه اى همه تهون