زمن المحبة

بقلم / فتحى عبدالحميد .

راح زمن المحبة
راح زمن الوفا
الغدر فى كل حنه
الخير راح واتنسى
راحوا الطيبين
الناس المخلصين
وبقينا يا دنيا لعبة
فى ايدين الخداعين
الجبن سكن قلوبنا
الظلم زاد عن حدودنا
نغدر ونخون وياما
خسرنا بعضنا
نكدب ونبيع ونجرح
اقرب ناس لنا
ماحنا فى زمن المصالح
وراح زمن الخشى
مبقاش يفرق معانا
مغرب من العشا
الله يرحم زمنا
ايام كان فى ضمير
كات ناس تسعد كبيرنا
وتحن على الصغير
دلوقتى كبارنا متهانه
معهاش تمن الرغيف
اطفال فى بلدنا متخانه
واهى نايمه على الرصيف
شهادات فى بلدنا عطلانه
خبراتنا لغيرنا هربانه
مـ الكوسه بلادنا مليانه
وضاع بينا الضعيف
رشاوى وظلم وخيانه
كراهة وزل ومهانه
وكأن عيونا عميانه
مبقاش فينا النضيف
الله يسامحك يا دنيا
ويسامحك يا زمن
ضيعت ما بينا عنوانا
ولا عاد لينا تمن
ابكى يا عيون مخدوعه
ع الحب والاحباب
مبقاش فى رحمة فينا
ماتت قلوب الناس
ومعدشى فينا نخوة
الطيبة ضاعت خلاص
من يوم ما خسرنا بعضينا
مبقاش فى يا ناس احساس
وراح زمن المحبة
راح زمن الوفا
الغدر فى كل حته
والخير راح واتنسى
راحوا الطيبين
الناس المخلصين
وبقينا يا دنيا لعبة
فى ايدين الخداعين
-